Biiki-Önspraak 2025 fuar Kairem
von Maren Jessen
Lef Sölring Lönslir en lef Gasten,
deling maat ik Juu altermaal ön di Noom fan di Sölring Foriining bi üüs Biiki ön Kairem bigrööt. Üus Foriining en di Sölring Museen sen sent 120 Jaaren sa tö siien di Taachten fan’t Ailön Söl en wü wel üüs uk fiiđerhen diarfuar iinseet, dat üüs Sölring Identiteet en Spraak, üüs Natuurlönskepen en üüs Teenkstiiner ek auriiten uur en ek önergung ön’t fuartmiist riin ökonoomisk Teenken fan deling.
Wü maast laider ön di Foriining di Erféring maaki, dat som fan di Politikers jam fraagi, of hat höm fuar di Gimiinden aurhaur luanet, muar Jil fuar di Aarber fuar üüs histoorisk Ailön -Kultuur en di Öntwikling fan di Museen üttödön. Wü skel üüs fraagi, wat fuar en Skelt wü di Wārel bütenfuar fan üüs weegi, wan wü di Wert fan üüs histoorisk Kultuur ek muar tö Gaagen bring.
Man en gurt Früger her wü ön di Foriining, üs wü tö’t Jen fan’t leest Jaar döör en Saamling fan di Sylter Bank en gurt Sum Jil fan di Sölringböör fuar’t Ual Hüs fing. Bluat wan wü ön di Foriining Stöt haa döör di Sölring, en döör en gurt Öntal fan Meföligers en di Gimiinden üp Söl, ken wü üüs wertfol Museen ön Tökumst āprocht hual fuar di Iinuuners en di Gasten.
Wü wel üüs uk iinseet fuar en beeter Forhualen töögen di Kliimawanel, aurdat wü ön Tökumst ek muar bluat me Storemflören omgung skel, man uk me fuul Grünweeter en Fochtighair ön üüs Hüüsing törocht kum mut.
Ark Jaar stuun wü jir bi üüs Biiki en teenk töhop aur di forgingen Muunen eeđer. Wat haa wü gur henfingen en wat ken em ön Tökumst beeter maaki? Dit leest Jaar wiar ek sa iinfach, wan’t om dit gur Mearküder twesken di Mensken ging. Dit mut sa ek weđer fuarkum en wü wel üüs Mait dö, ales des Jaar beeter tö maakin.
Man em ken saacht uk sii, dat wü salevmaaket Luksusproblemen haa, wan wü üp di Nuar ön di forgingen Jaarhönerten luki. Söl heer ön‘t Merelialer di Pest me fuul Duaren aurstönen en diareeđer en masi Krichen me Plünerings, Hunger en Kraankhairen üthölen. Bit hentö di Walfangtir en Hanelsseefaart wiar ali sa ārem, dat di jen of üder üt Nuar sagaar Strönroower waar. Mesgönst en Strir kām wel jest sa rocht āp, üs‘t di Liren lungsom wat beeter ging.
Üus Kroonist Christian Peter Hansen heer diaraur skrewen, wat Mesgönst en Strir tö sin Tir me di Sölring dör, en höm Taachten maaket, hurdeling em di Liren üp Ailön hentö muar Töhophual en Stöt fuar jaar Spraak en Brükdom stjüür kür. Sa heer hi di Uursjöl-Brük üt di Haidentir üp üüs Ailön weđer me fuul Fantasii iinföört üs Teeken fuar Hööpin en Niimaakin en ön ark Terp üp Söl waar nü di 21. Febriwaari en Biiki öntjent.
En uk üp’t Fastlön, hur dit Jöl ön ual Āpteeknings dit jest Mol neemt waar, es’t nü weder töbeekkemen. Man uk ön di niimoris Tiren fan deling, es dit gur, jens töbeek tö lukin en aur di ual gur Werten eeđertöteenken. C. P. Hansen wiar en klook Skuulmaister en em heer höm altert üp Söl en aliksa üp Fastlön fuul Respekt öntöögenbraacht. Sin Taachten fuar en gur Mearküđer üp Söl töögen Mesgönst en Strir sen sa aktuel, hurdeling ja bluat wiis kür. Em skul des Jaar ek fraagi, wat dit Ailön fuar arkenjen dö ken en hurdeling em jir sa rocht tö Gaagen kum kür. Em skul fraagi, wat arkenjen fuar Söl dö kür, om üüs wertfol Kultuur en Natuur tö bihualen en fuar üüs Juugend en beeter Leewents-Situatsjoon tö skafin.
Nü wenski ik ali Sölring en üüs Gasten en faini Biiki-Inj en hööpi fuar‘t Ailön en fuar di Sölring des Jaar üp en Niimakin en en beeter Mearküđer me Respekt en Tötruuen.
Biike-Ansprache 2025 für Keitum
von Maren Jessen
Liebe Sylter und liebe Gäste,
heute möchte ich alle im Namen der Sölring Foriining an unserer Biike in Keitum begrüßen. Unser Verein und die Sylter Museen sind seit 120 Jahren sozusagen das Gedächtnis der Insel Sylt und wir wollen uns auch weiterhin dafür einsetzen, dass unsere Sylter Identität und Sprache, unsere Naturlandschaften und unsere Denkmale nicht vergessen werden und nicht untergehen im zumeist rein wirtschaftlichen Denken von heute.
Wir mussten leider in der Foriining die Erfahrung machen, dass einige Politiker sich fragen, ob es sich für die Gemeinden überhaupt lohnt, mehr Geld in die Arbeit für unsere historische Insel-Kultur und die Entwicklung der Museen zu geben. Wir sollten uns jedoch fragen, welches Bild wir in der Außenwelt abgeben, wenn wir den Wert unserer Kultur nicht mehr schätzen.
Große Freude hatten wir jedoch, als wir Ende des Jahres durch eine Aktion der Sylter Bank eine beträchtliche Summe von den Syltern für die Instandsetzung im Altfriesischen Haus erhielten. Nur, wenn wir in der Foriining Unterstützung haben durch die Sylter, einer großen Anzahl von Mitgliedern und die Sylter Gemeinden, können wir unsere wertvollen Museen für die Einwohner und Gäste erhalten.
Ebenfalls wollen wir uns für ein besseres Verhalten gegen den Klimawandel einsetzten, da wir in Zukunft nicht mehr nur mit den Sturmfluten umgehen, sondern auch mit viel Grundwasser und Feuchte in unseren Häusern zurechtkommen müssen.
Jedes Jahr stehen wir hier an der Biike und denken gemeinsam über die vergangenen Monate nach. Was haben wir gut gemacht und was könnte man in Zukunft besser umsetzen? Das letzte Jahr war wirklich nicht einfach, wenn es das gute Miteinander zwischen den Menschen betrifft. Es sollte so nicht wieder vorkommen und wir wollen uns Mühe geben, in diesem Jahr alles besser zu machen.
Jedoch kann man sehr wohl feststellen, dass wir zum Teil selbstgemachte Luxusprobleme haben, schaut man auf die Not der vergangenen Jahrhunderte. Sylt hat im Mittelalter die Pest mit vielen Toten überstanden und danach zahlreiche Kriege mit Plünderungen, Hunger und Krankheiten ausgehalten. Bis zur Zeit des Walfangs und der Handelsseefahrt waren alle arm und der eine oder andere wurde aus Not sogar zum Strandräuber. Missgunst und Streit kamen wohl erst auf, als es den Syltern etwas besser ging.
Unser Chronist C. P. Hansen hat darüber berichtet, was Missgunst und Streit zu seiner Zeit mit den Sylter tat und sich Gedanken gemacht, wie man die Menschen zu mehr Zusammenhalt und Unterstützung von Sprache und Brauchtum leiten könnte. So hat er wohl den Brauch des Frühlingsfeuers aus der Heidenzeit auf unserer Insel wieder mit viel Fantasie eingeführt als Zeichen der Hoffnung und Erneuerung. In den Dörfern auf Sylt wurde nun am 21. Februar eine Biike angezündet und auch auf dem Festland, wo das Feuer in alten Aufzeichnungen zum ersten Mal erwähnt wurde, ist es wieder angekommen.
Jedoch auch in der heutigen Zeit ist es gut, einmal zurückzuschauen und über die alten Werte nachzudenken. C. P. Hansen war ein kluger Lehrer und man brachte ihm stets auf Sylt und auch auf dem Festland großen Respekt entgegen. Seine Gedanken für ein gutes Miteinander auf Sylt gegen Missgunst und Streit sind so aktuell, wie sie nur sein können. Wir sollten uns in diesem Jahr nicht fragen, was Sylt für jeden tun kann, dass er recht zur Geltung kommt. Wir sollten fragen, was jeder für Sylt tun könnte, um unsere wertvolle Kultur und Natur zu erhalten und für die Jugend eine bessere Lebenssituation zu schaffen.
Nun wünsche ich allen Syltern und unseren Gästen einen schönen Biike-Abend und hoffe für die Insel und für die Sylter in diesem Jahr auf eine Erneuerung und ein besseres Miteinander mit Respekt und Vertrauen.