Rooper fuar`t Taak
(Maren Jessen)
Om jer di Raitbüntjis üp Taak fan di ual Sölring Hüüsing fasttömaakin, maast em diarfuar sa neemt „Rooper“ tre. Uk bi`t Dikbechen waar`s brükt. Kookostoomer kür em jit ek. Üüs Sölring Kroonist C. P. Hansen (1803-1879) skreft, dat`t jer Familjin üp Söl jaav, diar bluat diardöör jaar Ütkumen seekeri kür, dat`s, bisir en seedig Lönwiartskep me en paar Ship en di Ülforaarbering, Rooper maaket.
Di Dünemhalemer me jaar fast en tai Feesels wiar diarfuar senerlig gur tö brüken. Diarfuar skul em di Halemer ön Augustmuun en Septembermuun ofsteek en büten ön di Locht drüchi. Üp Lö maast em diareeder di drüch Halemer „klopi“, diarme`s weder lenig waar. Nü brükt em en wes Hanighair: Üp Knebiin waar di Halemer „tri Fiirem lüng“ ( 1 Fiirem = 1, 8288 Meeter) drait en maast diareeder twesken Tüm en Skotfinger en Alemböög áprolet uur. Dit wiar en mal maitelk Dön en di hiili Familji skul meaarberi.
Üüs Kroonist birocht, dat ark fan di 21 Jungen fan di Koptain Peter Nicolai Lassen (1783-1848) ön Raantem höm bi di Hüsfliit bidiiligi maast en diartö jert uk, dat em Rooper tre skul. Man som Familjin lewet bluat diarfan en kür ön Laap fan di Tir en aurdimaaten gur en waker Aarber fuarweegi. Di Bitaaling wiar fuar üüs Fuarhual ek hoog. Fuar soks „Stiig“ (1 Stiig = 11 Meeter) fing em 1 Riksdaaler.
Tö Bigen fan di söstiger Jaaren fant 19. Jaarhönert, üs ön Raantem döör di gurt Skaar fan di Dünemwanering bluat jit fif Familjin lewet, waar ön`t Térp ön jen Jaar 50.000 Rooper maaket, man uk ön di Uasttérper fan Söl wiar didiarem Bruarweening wel leren. Wat ek üp Söl brükt waar, waar aur tö Töner en Hüsem üp Marker braacht en forkoopet of em tusket di Rooper töögen „Kolonialwaaren“ iin.
C. P. Hansen birocht fan di Inkiwüf Maiken Peter Bruhn fan Raantem, diar höör lewer duar hungeri wil, üs en Last fuar di Gimiindikas tö wiisen en sa seet jü ark Dai tö Roopertreen. Aliksa di Inkiwüf fan Lorenz Tak Nissen ön Raantem, diar eeder höör Man forleesen her. Jü tooch höör trii Jungen aliining söner Help bluat döör`t Roopermaakin áp. Di Jungen maast fan litj of ön diarbi help en höör Dreeng Jacob Lornsen Nissen braacht`t diarbi tö en hoog Kwaliteet. Hi kür üp jen Dai fjuur Stiig Rooper tre. Sa kür di Foraarbering fan Dünemhalemer dit Aurlewin fan di Familji seekeri.
Ön ual Āpteeknings ken em lees, dat di Büürfööger Peter Taken al 1809 en Iingaav tö di Lönfööger stjüürt her. Hi weeget diarüp hen, dat dit Roopermaakin fuar di Sölring Familjin en mal wichtig Bruarweening wiar en dat em dit Stre ek diartö brük kür, aurdat`t tö raar wiar. Di Lönfööger her en Iinsen en em maast di Halemer fiirer nüti.
Man C. P. Hansen birocht uk, dat di proisisk Regiaring fan`t Jaar 1865 Düneminspektoors üp Söl iinseet her, om dit Tönöntmaakin fan`t Lön döör di Sön iintögrensin, skul ja di Biplaanting me Dünemhalemer aurwaaki en diartö üppasi, dat di Sölring di Halemer ek ofstat of üs Fuuder fuar jaar Diirter nütet. Hat her en hiili Tir waaret, bit di Sölring didiarem Fuarnemen fan di Regiaring üs wichtig Sjuts fan di Ailönküst iinsaag. Deling es dit Roopermakin fan üüs Fuarfaaren fuartmiist hiil auriiten en wü kür didiarem wichtig Plaant me höör lüng Röter bluat jit üs beest Mögelkhair fuar`t Fasten fan üüs Dünemer.
Reepen für das Reetdach
(Deutsche Übersetzung von Maren Jessen)
Um früher die Reet-Bündel auf dem Dach der Friesenhäuser befestigen zu können, musste man dazu so genannte „Reepen“ (Rooper) drehen. Auch beim Deichbau fanden sie Verwendung. Kokosstricke kannte man noch nicht. Unser Sylter Chronist C. P. Hansen (1803-1879) schreibt, dass es früher auf Sylt Familien gab, die ausschließlich dadurch ihr Auskommen sichern konnten, dass sie zu der bescheidenen Landwirtschaft mit ein paar Schafen und der Wollverarbeitung Reepen herstellten.
Die Dünenhalme mit ihren festen und zähen Fasern waren dazu besonders gut geeignet. Dazu musste man die Halme im August und September abstechen und draußen an der Luft trocknen. Auf der Tenne mussten die trockenen Halme danach „geklopft“ werden, damit sie wieder geschmeidig wurden. Nun benötigte man eine gewisse Fertigkeit: Auf den Knien wurden die Halme „drei Faden lang“ (1 Faden= 1,8288 Meter) gedreht und mussten danach zwischen Daumen, Zeigefinger und Ellenbogen aufgerollt werden. Das war ein mühevolles Vorhaben und oft musste die gesamte Familie mitarbeiten.
Unser Chronist berichtet, dass jedes der 21 Kinder des Kapitäns Peter Nicolai Lassen (1783-1848) in Rantum sich am Hausfleiß beteiligen musste und dazu habe auch das Drehen der Dünenhalm-Stricke gehört. Einige Familien lebten jedoch ausschließlich davon und konnten im Laufe der Zeit eine außerordentlich gute und rasche Arbeit vorweisen. Die Bezahlung war für unsere Verhältnisse nicht hoch. Für sechs „Stieg“ (1 Stieg=11 Meter) erhielt man 1 Reichstaler.
Zu Beginn der sechziger Jahre des 19. Jahrhunderts, als in Rantum durch die Zerstörung durch die Dünenwanderung nur noch fünf Familien ansässig waren, wurden im Dorf in einem Jahr 50.000 Reepen hergestellt. Aber in den Ostdörfern war dieser Broterwerb ebenfalls beliebt. Was davon nicht auf Sylt gebraucht wurde, wurde hinüber nach Tondern und Husum auf die Märkte gebracht und verkauft, oder man tauschte die Stricke dort gegen „Kolonialwaren“ ein.
C. P. Hansen berichtet von der Witwe Maiken Peter Bruhn aus Rantum, die sich lieber zu Tode hungern wollte, als der Gemeindekasse zur Last zu fallen und so saß sie täglich und drehte Stricke. Ebenso die Witwe von Lorenz Tak Nissen in Rantum, die früh ihren Mann verloren hatte. Sie zog ihre drei Kinder allein ohne Hilfe nur durch die Herstellung der Reepen auf. Die Kinder mussten bereits von klein auf an helfen und ihr Sohn Jacob Lornsen Nissen brachte es dabei zu einer hohen Fertigkeit und Qualität. Er konnte täglich vier Stieg Reepen drehen. So konnte die Verarbeitung von Dünenhalmen das Überleben der Familie sichern.
In alten Aufzeichnungen kann man lesen, dass der Bürgermeister Peter Taken bereits 1809 eine Eingabe an den Landvogt gesendet hatte. Er wies darauf hin, dass die Herstellung von Dünenhalm-Stricken für die Sylter Familien einen sehr wichtigen Broterwerb darstellte und dass man Stroh dazu nicht verwenden könne, da es zu kostbar war. Der Landvogt hatte ein Einsehen und man durfte die Halme weiterhin abstechen und verarbeiten.
C. P. Hansen berichtet auch, dass die preußische Regierung ab 1865 Düneninspektoren auf Sylt einsetzte; um die Vernichtung der Ländereien durch den Sand einzugrenzen, sollten sie die Bepflanzung mit Dünenhalmen überwachen und dazu aufpassen, dass die Sylter die Pflanzen nicht abstachen oder als Futter für ihr Vieh nutzten. Es dauerte eine gewisse Zeit, bis die Sylter diese Maßnahme der Regierung als wichtigen Schutz der Inselküste einsahen. Heute ist das „Reependrehen“ unserer Vorfahren fast ganz in Vergessenheit geraten und wir kennen diese wichtige Pflanze mit ihren langen Wurzeln nur noch als beste Möglichkeit zur Befestigung unserer Dünen.