En Skeps-Malöör bi Strön
(Maren Jessen)
Wat ken em nü tö Tirs önernem, wan em aliining bi Strön önerwai es en Tjüü fan en Skeps-Malöör uur? Di Miisten haa en Handy of en Smart-Phone en sa ken waker aur di Nuarfal-Numer Help haalet uur. Ön`t Jaar 1912 wiar dit jit ek mögelk en sa kám di Junggast Hermann Klumfoch di 27. Jüünimuun ön didiarem Jaar mal ön Stohai, en dit heer hi da achterön fuar dit „Kuurbleer“ fan Weesterlön ápskrewen. Didiarem Eksemplaar fan di 2. Jüülimuun 1912 es ön`t Sölring Arkiiv tö finjen.
Hermann wiar bi Strön fan Raantem dial tö Hörnem-Odde önerwai, om diar fan boowen üp Dünemer dit dailk Skelt fan Heef en Weestersir en di herelk Kiming, sa fiir üs hi luki kür, tö gineeten. Fuar di Töbeekwai áp tö Raantem toog hi Skuur en Höösen üt, stölpet di Boksbiining áp en löp nü naakenbiinet achter di Fuar-Dünemer aur tö Weestersir.
Üp jen Mol saag hi nuurdfuar tjuk Smook aur Weeter en taacht, dit wiar en Dampskep. Üs hi bi Drewali önkám, kür hi lik üt fiirof bi Strön en Siilskep se. Waker luket Hermann döör sin Kiiker en fing en Skrek! Dit Siilskep stön ön Flamen en hi wiar jit sa fiir diarfan wech en kür ek help. Waker löp hi fiiler en nü wiar döör di Kiiker tau Mensken tö sen. Hi löp me Hartklopin sa gau, üs sin Fet höm drai kür en kám eeder en gansi Sküür uuremluas bi`t Skep ön, wat hiil en dal bit áp tö Meest bruan.
Di Fesker Hermann Lass en sin Faader fortelt höm waker, dat ja fan Büsum kám en bi Weestersir fan Söl üt tö Feskin wil. Ön jaar litj Kuter „Störtebeker“ her`s en Motoor iinbech leten. Di Miaren Klok trii, di Faader stön bi`t Röder, wil Lass dial ön Kombüüs ön Ialig en Jöl öntjen. En da wiart pasiaret, jen fan trii Bensiinkanen eksplodiaret! Üs hi forstjüürt waker ápfuar üp Dek flöcht, kür hi töjest sin Faader ek finj, aurdat di hiili Kuter ön Flamen stön. Döör Törööp fuan ja lekelk töarküder, man wat skul ja nü dö? Ark Oogenblek kür uk di üder Kanen ön di Locht flö!
Aurdat en gur Weestwinj ápkemen wiar, kapet ja kuurterhun di Liinen, sadat dit Sail omsloch en di Kutter ordentlig Faart ápnoom tö Lönkant. En litj Stomp en ja wiar aur`t Sönref en hat waaret ek lung en di Kuter kám me en Önpral üp Strön tö liien. Ön Duarungst sproong Faader en Dreeng fan Buurt en löp luas ön Rochting Dünemer, üs en taust gurt Eksplosjoon jam tö Buurem smeet.
En giwaltig Flam skuat áp tö Hemel, en sa es da Hermann Klumfoch dit Malöör giwaar uuren. Hurdeling kür hi nü help? Me foriinicht Kraft forsaacht ja nü, ön Buurt tö kumen, om wat fan di Skeps-Ütrösting tö bárigin, man söner Lek. Ja maast di „Störtebeker“ höör Skeksol aurlet. Dit jest fjuur Jaar ual Skep brok töhop en di iirsen Diilen soonk fjüst tö Weeter.
Slokslain sair di Maaner Faarwel en maaket jam üp Wai. Di Kuter fan di Faader lair nemelk üp Hörnem Ree. Hermann wiar suurt fan Söt en sa toch hi sin wiit Boks üt, sproong iin ön`t Weeter en swoom om`t Wrak.
Üp jenmol saag hi, dat dit Dünemhalem bruan. Bi di Bensiin- Eksplosjoon wiar wel wat hoog áp üp Dünemer slaidert uuren. Di Maaner wiar al üp jaar Wai dial tö Hörnem ek muar tö sen, sa kám hi gau üt Weeter, om aliining me sin wiit Boks üp di Flamen iintöslaaen. Man di Weestwinj her sa tönomen, dat, sabal hi dit Jöl üp jen Dünem öner Kontrol her, al dit Halem fan di naist Dünem bruan.
Hiil tökant maast hi nü iinse, dat hi töögen di Flamen helpluas wiar. Muar üs trii Stünen her di Junggast forsaacht, en Reter en Helper ön Nuar tö wiisen. Nü toch hi sin wiit skitig en forsötet Kluader weder ön en maaket höm üp di Töbeekwai áp tö Raantem. Eeder jenenhualef Stünen kám hi diar ön en di „Süderbaan“ braacht höm tö Weesterlön. Itüüs her hi en masi tö birochtEN en skreev sin ápreegent Aawentüür fuar`t „Kuurbleer“ áp. Sa ken wü deling jit diarön diilhaa.
Ein Schiffs-Unglück am Strand
(Übersetzung von Maren Jessen)
Was kann man heutzutage unternehmen, wenn man allein am Strand unterwegs ist und Zeuge eines Schiffsunglückes wird? Die meisten haben ein Handy oder Smartphone bei sich und so kann rasch über die Notrufnummer Hilfe herbeigeholt werden. Im Jahre 1912 war dieses nicht möglich, so kam der junge Hermann Klumfoch am 27. Juni des Jahres in große Aufregung und das schrieb er danach für das „Westerländer Kurblatt“ nieder. Dieses Exemplar vom 2. Juli 1912 ist im Sylter Archiv zu finden.
Hermann war am Strand von Rantum zur Hörnum-Odde unterwegs, um dort von oben auf den Dünen die schöne Aussicht über Watt und Westseite und den herrlichen Horizont, soweit er schauen konnte, zu genießen. Für den Rückweg nach Rantum zog er Schuhe und Strümpfe aus, krempelte die Hosenbeine hoch und lief barfuß hinter den Vor-Dünen hinüber zur Westseite.
Auf einmal sah er im Norden dicken Qualm über dem Wasser aufsteigen und dachte, das sei ein Dampfschiff. Als er am Flut-Saum ankam, erkannte er weit entfernt am Strand ein Segelschiff. Rasch schaute Hermann durch sein Fernglas und bekam einen Schreck! Das Segelschiff stand in Flammen und er war noch zu weit entfernt, um helfen zu können. Schnell lief er weiter und nun waren durch das Fernglas zwei Menschen zu erkennen. Er lief mit klopfendem Herzen so schnell ihn seine Füße trugen und kam nach einiger Zeit atemlos am Schiff an, welches ganz und gar bis hinauf zum Mast in Flammen stand.
Der Fischer Hermann Lass und sein Vater erzählten ihm rasch, dass sie von Büsum gekommen waren und an der Westseite von Sylt Fischen wollten. In ihren kleinen Kutter „Störtebeker“ hätten sie einen Motor einbauen lassen. Am Morgen um drei Uhr, der Vater stand am Ruder, wollte Lass unten in der Kombüse ein Feuer im Herd anzünden. Und dann war es passiert, einer von drei Benzinkanistern explodierte! Als er verstört rasch aufs Deck hinauf flüchtete, konnte er zuerst seinen Vater nicht finden, da der ganze Kutter in Flammen stand. Durch Zuruf fanden sie glücklich zueinander, aber was sollten sie nun tun? Jeden Augenblick könnten auch die anderen Kanister in die Luft fliegen!
Weil ein guter Westwind aufgekommen war, kappten sie kurzerhand die Leinen, sodass das Segel umschlug und der Kutter ordentlich Fahrt aufnahm Richtung Ufer. Ein kleiner Stoß und sie fuhren übers Sand-Riff und es dauerte nicht lange und der Kutter lag mit einem Anprall auf dem Strand. In Todesangst sprangen Vater und Sohn von Bord und liefen los in Richtung Dünen, als eine zweite Explosion sie zu Boden warf.
Eine gewaltige Flamme schoss empor zum Himmel und so war Hermann Klumfoch des Unglückes gewahr worden. Wie konnte er nun helfen? Mit vereinten Kräften versuchten sie jetzt, an Bord zu kommen, um etwas von der Schiffsausrüstung zu bergen, jedoch ohne Erfolg. Sie mussten die „Störtebeker“ ihrem Schicksal überlassen. Das erst vier Jahre alte Schiff brach zusammen und die eisernen Teile sanken zischend ins Wasser.
Niedergeschlagen verabschiedeten sich die Männer und machten sich auf den Weg. Der Kutter des Vaters lag nämlich auf der Hönumer Reede. Hermann war schwarz von Ruß und so zog er sich seine nassen Hosen aus, sprang ins Wasser und schwamm um das Wrack herum.
Auf einmal sah er, dass das Dünengras brannte. Bei der Benzin-Explosion war wohl etwas hoch hinauf in die Dünen geschleudert worden. Die Männer waren bereits auf ihrem Weg nach Hörnum nicht mehr zu sehen, so kam er schnell aus dem Wasser, um allein mit seiner nassen Hose auf die Flammen einzuschlagen. Der Westwind hatte jedoch derart zugenommen, dass, sobald er das Feuer auf einer Düne unter Kontrolle hatte, die Halme der nächsten Düne brannten.
Völlig erschöpft musste er nun einsehen, dass er gegen die Flammen hilflos war. Mehr als drei Stunden hatte der junge Mann versucht, ein Retter und Helfer in der Not zu sein. Nun zog er seine nasse, schmutzige und verrußte Kleidung wieder an und machte sich auf den Rückweg nach Rantum. Nach anderthalb Stunden kam er dort an und die Südbahn brachte ihn nach Westerland. Zuhause hatte er eine Menge zu berichten und schrieb sein aufregendes Abenteuer für das „Westerländer Kurblatt“ nieder. So können wir auch heute noch daran teilhaben.