Di jest Bisjuk fan en Lochtskep üp Söl
(Maren Jessen)
Hur deling ön di Saison maning Pasasjiirs me gurt Maskiinen en litj Priwaat-Fliigers ön en offlö, wiar jer bluat Hiir. Ön di desjaaring tüüpisk Sölring Lönskep fortel üüs di Hooger en Tinghooger, wat ek tönönt maket sen, dat didiarem Stair uk al fuar fifdüüsent Jaaren fan Mensken nütet waar. Me gurt Dikstiiner üt di Istir me en Öörtlaag boowenüp her em di Duaren henbraacht. Dit es sa fiilergingen ön di Bronsitir 1000 v.Chr. en uk ön di Wikingertir 1000 eeđer Chr. Sa fortel üüs deling Urnen, Potsjaarten, Stiineeksen, Baitels, Flentstiinklingen, Bronsiklingen, Gleesperlken en üđer Finjings, wat ön di Kultuuren fan Jaardüüsenden brükelk wiar.
Man tö üüs Tir bit hentö 1900 jaav dit uk ön didiarem dailk Hiirlönskep hok Buurenstairer. Ja her dit Lön öner Ploch nomen en Eekern en Greren wiar önstönen. Fuart Bechen her em üp Söl altert Stiiner üt di Hooger nomen. Uk ön di 30er Jaaren, üs dit Militeer fuul Lön me Bislach bilair en dit Ailön tö en Festing ütbecht, aurdat Söl en gurt strateegisj Bidüüding ön di taust Wárelskrich her.
Man di jest Bidüüding üs „Flugplaats“ fing des Birik di 5. Jüüli 1912, üs di Zeppelin „Victoria Luise“ fan Hamborig önsweewet kám, om dit jest Mol üp en Ailön tö lönigin. Didiarem Lochtskeepen wiar wat Niis en 5000 Baađigasten en Sölring Lönslir wiar önerwai, om di me Weeterstof felt „Sigár“ öntölukin, wat fuar en hualev Stün lönigi skul.
Ali Füürwiaren fan`t Ailön en dit Retingskorps wiar me 170 Maaner fuar Helplaistings bi dit Lönigin iinseet. Om Klok aacht kür em dit Lochtskep ön di Kiming üs en junk Streek waarnem en hat kám ön ruuig Faart naier en naier. Bal kür di gurt Skööl Lir üp di Taaken fan Weesterlön dit Surin fan di Propelers hiir en üs di „Viktoria Luise“ ön liig Hoogdi di Stat omfloog waar jü me gurtem Huraarööpen en Dokersweeng bigrööt.
Üp di Plaats, hur dit Lochstskep lönigi skul, waar di Propelers ofstelt en hat soonk me majesteetisk Ruu tö Öört, sadat di Helpmanskapen di Toomer grip kür. Di Kuurkapel spölet „Schleswig-Holstein meerumschlungen“ en di Fuarstuuner fan di Ekspeditsjoon, Dr. Eckner en Admiral v. Moltke en Professor Marcuse waar üp di Trap fan Büürfööger Dr. Frommhold en fan di gurt Skööl bigaistert bigrööt.
Üs Klok hualev tiin dit Offaart-Signaal lünt, sticht di nii Pasasjiirs iin, di Motooren waar weđer ön Gang seet en di „Viktoria Luise“ sweewet ön süruastelk Rochting of. Hat lönigt eeđer en Faart aur List, Töner, Apenrade, Kiel en aur Holstiin om Klok trii ön Aurönerem weđer ön Hamborig.
Di jest Fliiger es 1913 üp des Plaats üp Söl löniget en tö`t Jen fan di jest Wárelskrich 1918 waar en litj Fliiger-Saal en en slocht Lönigibaan becht. Ön`t Jaar 1919 floog di „Deutsche Luftreederei“ fan Berlin hentö Weimar en töbeek. Dit wiar di jest Flug-Forbinjing ön Dütsklön. Di taust Forbinjing wiar ön di Jüülimuun 1919 di Strek Berlin/Hamborig/Söl. Tö`t Jen fan di 20er Jaaren waar di Flugplaats üp`t Treengen fan di „Deutsche Verkehrsflugschule“ fan 17 ha üp 37 ha gurter ütbecht en 1925 waar al 2560 Pasasjiiren transportiaret.
Der erste Besuch eines Luftschiffes auf Sylt
(Deutsche Übersetzung von Maren Jessen)
Wo heute während der Saison viele Passagiere mit großen Maschinen und kleinen Privatflugzeugen an- und abfliegen, war früher nur Heide. In der vormals typischen Sylter Landschaft erzählen uns die letzten Hünengräber und Thinghügel, die nicht zerstört wurden, dass dieses schöne Gebiet bereits vor fünftausend Jahren von Menschen genutzt wurde. Mit großen Findlingen aus der Eiszeit und einer Erdschicht obenauf hat man hier die Toten beerdigt. Das ging so weiter bis in die Bronzezeit 1000 v. Chr. und auch in der Wikingerzeit 1000 nach Chr. So erzählen uns heute Urnen, Scherben, Steinäxte, Beitel, Flintsteine, Bronzeklingen, Glasperlen und andere Fundsachen, was in den Kulturen der Jahrtausende gebräuchlich war.
In unserer Zeit, bis 1900, gab es in dieser schönen Heidelandschaft einige Bauernhöfe. Man hatte das Land gepflügt und Äcker und Weiden waren entstanden. Zum Bauen hatte man auf Sylt immer Steine aus den Hünengräbern genommen. Auch in den 30er Jahren, als das Militär die Insel zu einer Festung ausbaute und viel Land beschlagnahmte, weil Sylt eine große strategische Bedeutung im 2. Weltkrieg hatte.
Die erste Bedeutung als „Flugplatz“ bekam das Gebiet am 5. Juli 1912, als der Zeppelin „Viktoria Luise“ angeschwebt kam, um zum ersten Mal auf einer Insel zu landen. Diese Luftschiffe waren etwas Neues und 5000 Badegäste und Sylter waren auf den Beinen, um die mit Wasserstoff gefüllte „Zigarre“ anzuschauen, die für eine halbe Stunde landen sollte.
Sämtliche Feuerwehren der Insel und das Rettungskorps waren mit 170 Mann zur Hilfsleistung bei der Landung eingesetzt. Um acht Uhr konnte man das Luftschiff am Horizont als dunklen Strich wahrnehmen und es kam in ruhiger Fahrt näher und näher. Bald konnte die große Schar Menschen auf den Dächern von Westerland das Surren der Propeller hören und als die „Viktoria Luise“ in geringer Höhe die Stadt umrundete wurde sie mit lauten Hurrarufen und Tücher-Schwenken begrüßt.
Auf dem Platz, wo das Luftschiff landen sollte, wurden die Propeller abgestellt und es sank mit majestätischer Ruhe zu Boden, sodass die Hilfsmannschaften die Taue ergreifen konnten. Die Kurkapelle spielte „Schleswig-Holstein meerumschlungen“ und der Leiter der Expedition, Dr. Eckner und Admiral v. Moltke und Professor Marcuse wurden auf der Treppe von Bürgermeister Dr. Frommhold und der großen Menschenmenge begeistert begrüßt.
Als um 9:30 Uhr das Abfahrt-Signal ertönte, stiegen die neuen Passagiere ein, die Motoren wurden wieder eingeschaltet und die „Viktoria Luise“ schwebte in südöstlicher Richtung fort. Sie landete nach der Fahrt über List, Tondern, Apenrade, Kiel und über Holstein um 15:00 Uhr wieder in Hamburg.
Das erste Flugzeug landete 1913 auf diesem Platz auf Sylt und Ende des 1. Weltkrieges 1918 wurden eine kleine Flugzeughalle und eine einfache Landebahn gebaut. Im Jahre 1919 flog die „Deutsche Luftreederei“ von Berlin nach Weimar und zurück. Das war die erste Flugverbindung Deutschlands. Die zweite Verbindung war im Juli 1919 die Strecke Berlin/Hamburg/Sylt. Ende der 20er Jahre wurde der Flugplatz auf Drängen der „Deutschen Verkehrsflugschule“ von 17 ha auf 37 ha vergrößert und 1925 wurden bereits 2560 Passagiere transportiert.